Për Kosovën diskutohet në samitin e NATO-s

Në Lituani, në samitin e NATO-s pritet të diskutohet rëndësia e pranisë së KFOR-it në Kosovë.

Agjencia turke e lajmeve “Anadolu” thotë se këto çështje diskutohen në samit pas takimit të presidentit turk Recep Tayyip Erdogan me Sekretarin e Përgjithshëm të NATO-s, Jens Stoltenberg, përcjell albinfo.ch.

Samiti i NATO-s mbahet në Vilnius të Lituanisë, më 11-12 korrik 2023.

Takimet do të kryesohen nga Sekretari i Përgjithshëm i NATO-s dhe do të zhvillohen në LITEXPO – Qendra e Ekspozitave dhe Kongreseve Lituaneze në kryeqytetin e vendit, përcjell albinfo.ch.

Gjatë takimit mes Erdogan-it dhe Stoltenberg-ut, ky i fundit shprehu gjithashtu mirënjohjen e tij ndaj Turqisë për mbështetjen e dhënë me vendimin për dërgimin e përforcimeve në Kosovë.