Ligjëratë për “Dhunën në familje” nga Imma Mäder, specialiste nga Policia Kantonale Baselstadt

Shoqata Parandalo, në kuadër të projektit pjesë të Departamentit të policisë  të Kantonit Baselstadt “Ndalo dhunën” organizon ligjëratë me temën “ Dhuna në familje” si një nga dukuritë më të përhapura dhe një nga krimet më të paraportuara në shoqërinë tonë. Dhuna në familje është një dukuri negative që është trajtuar më së shumti si një problem individual, që konsiderohet se i përket vetëm anëtarëve të familjes dhe jo shoqërisë, përcjell albinfo.ch.

Kjo dukuri negative, e cila po merr përmasa të paparashikuara me pasoja fatale, mund të ketë sukese në parandalim me një vetëdijesim, diskutim të hapur dhe me një sensibilizim të mbarë shoqërië sonë.  Duke raportuar dhunën, jo vetëm nga personi i prekur, por edhe nga ata që kanë dyshime se ka elemente të dhunës te fqinjët, te shoku, shoqja, ju mund të ndihmoni shumë, nëse flisni,  e dëgjoni dhe e informoni personin e prekuar apo të dyshuar. Shumë nga ne mundë të kenë frikë të bëjnë një hap të tillë , ngase mendohet se mund ta përkeqësoj situatën. Nëse ne si shoqëri dhe persona juridikë nuk reagojmë atëherë e mbrojmë personin që është i dhunshëm. Parandalimi i dukurive negative është përgjegjësi shoqërore.

Për të gjitha këto informacione dhe një debat  interaktiv mund të merrni pjesë në ligjëratën që do të mbahet:

Të dielën, më 11.06.2023, prej orës 14.00- 16.00

Ligjëruese Imma Mäder, specialiste nga Policia Kantonale Baselstadt si dhe udhëheqëse e projektit

“Ndalo dhunën” nga Kt. Baselstadt.

Moderimi: Drita Ibrahimi-Parandalo

Vendi: Quartiertreffpunkt-Klyck, Kleinhuningerstrasse 205, 4057 Bazel

Kjo ligjëratë informative mbështetet nga Zyra Kontonale për Integrim dhe diversitet e Bazelit dhe  GGG-Migration-Baselstadt.

Për Informata më të hollësishme, mund të kontaktoni në:

E-mailadresën: info@parandalo.ch apo në:

Tel. 079 771 67 04  dhe 076 410 11 10

Ju mirëpresim….