Muja: Nuk kam kërkuar të jem titullar

A.M - Facebook

Futbollisti shqiptar, Arbnor Muja, ka sqaruar mungesat e tij në kombëtaren e Kosovës dhe çështjet me trajnerin Alain Giresse.

Ai thotë se është e pavërtetë që ka kërkuar nga Giresse që të jetë titullar në ndeshjet e kombëtares.

“Deklarata e selektorit Giresse që unë i kam kërkuar vendin titullar0 në ndeshjet e qershorit, është e pavërtetë. Me selektorin Giresse dhe ndihmësin e tij kam biseduar gjatë pjesëmarrjes time në ndeshjet e marsit, kërkesa ime ka qenë se ku qëndroj në planet e selektorit Giresse për ndeshjet e ardhshme dhe pse nuk jam paraqitur kundër Izraelit dhe Andorrës dhe i kam treguar që mendoj që ka qenë e padrejtë mosprezenca ime në ndeshjet e marsit”, ka shkruar në reagimin e tij, përcjell abinfo.ch.

“Emrin tim selektori mund ta thërret, mund ta lejë në bankën rezervë, mund ta lejë edhe në tribuna, por kurrë ta njollosë”, është shprehur tutje futbollisti.

Arbnor Muja ka përmbyllur sezonin si kampion në Belgjikë me Antwerp. Ndërkohë që mediat kanë raportuar se i njëjti ka pranuar ftesën për të luajtur për kombëtaren e Shqipërisë.