Qeveria zvicerane miraton kornizën për negociatat me BE-në

Marrëdhëniet midis Bernës dhe Brukselit

Marrëdhëniet midis Bernës dhe Brukselit janë acaruar që kur Zvicra anuloi bisedimet me BE-në në maj 2021, përcjell albinfo.ch.

Megjithatë, të dyja palët janë përpjekur të kthehen në tryezën e bisedimeve dhe të mërkurën Këshilli Federal njoftoi se ka miratuar parametra të rinj “për një mandat negociues me BE-në”.

Ndërsa udhëzimet mbeten konfidenciale për momentin, “ato përcaktojnë objektivat e përgjithshme dhe fushat që duhet të mbulohen”.

Megjithatë, qeveria zbuloi se përveç sektorëve të mbuluar tashmë nga marrëveshjet dypalëshe me BE – transporti ajror dhe tokësor, barrierat teknike për tregtinë, bujqësinë dhe lëvizjen e lirë të personave – ajo dëshiron të shtojë edhe traktate të tjera, duke përfshirë sigurimi i energjisë elektrike, siguria ushqimore, shëndeti dhe edukimi.

---