Lajçak: Situata në veri mbetet e brishtë, u koordinuam me partnerët për shtensionim

Miroslav Lajcak, FB

Emisari i Bashkimit Evropian për dialogun Kosovë-Serbi, Miroslav Lajçak, ka shprehur shqetësimin për situatën në veri të Kosovës.

Sipas tij, ka hapa konkretë për të ulur tensionet, po situata vazhdon të mbetet e brishtë.

Në rrjetin e tij social ai ka shkruar se bashkë me partnerët ndërkombëtarë janë koordinuar për hapat e ardhshëm në adresimin e krizës së vazhdueshme në veri.

“I gëzuar për interesimin e anëtarëve të Komisionit të Punëve të Jashtme të Parlamentit Evropian të BE-së, të cilët më ftuan së bashku me drejtorin e përgjithshëm të DG-NEAR, Gert Jan Koopman, për një diskutim të përbashkët rreth situatës, zhvillimeve të fundit në dialog dhe përpjekjet tona për të ulur tensionet në terren në veri të Kosovës”, ka shkruar ai, përcjell albinfo.ch.