Kosova është në mesin e vendeve që kanë mbetur jashtë granteve të Bashkimit Evropian nga projekti i Investimeve për Ballkanin Perëndimor. 

Këto investime i kanë fituar Serbia, Shqipëria, Maqedonia e Veriut dhe Bosnjë e Hercegovina, përkatësisht Federata boshnjako-kroate, shkruan Radio Evropa e Lirë. 

Kjo kornizë e investimeve është iniciativë e përbashkët e BE-së, institucioneve financiare dhe donatorëve me qëllim zhvillimin socio-ekonomik të vendeve të Ballkanit Perëndimor dhe ka vlerë 2.1 miliardë euro, përcjell albinfo.ch. 

Kosova u përjashtua pasi Bashkimi Evropian në qershor ndërmori masa ndëshkuese ndaj Kosovë për shkak të mospërmbushjes së kërkesave të Brukselit për shtensionim të situatës në veri. 

Kosova nuk ka përfituar nga grantet e bllokut evropian, pasi BE-ja në fund të qershorit vendosi masa ndëshkuese ndaj Prishtinës, për shkak të mospërmbushjes së kërkesave të Brukselit për shtensionimin e situatës në veri të Kosovës. Në mesin e masave ndëshkuese është edhe pezullimi i të gjitha programeve financiare të BE-së.

Kosova ka përfituar nga ky mekanizëm për 30 projekte në Kosovë në vlerë prej 1.8 miliardë që përfshijnë ndërtimin e rrugëve, rehabilitimin e hekurudhave, sistemet e ngrohjes qendrore dhe përmirësimin e sistemit të ujërave të zeza.

Ndërkohë që me mbështetjen financiare, nga e cila u refuzua Kosova, ishin paraparë edhe projekte të tjera, si: Autostrada e Paqes Prishtinë – Nish, rruga hekurudhore Beograd – Prishtinë, ngrohja diellore për Prishtinën, impianti për trajtimin e ujërave të zeza për Prishtinën e të tjera.