Çfarë duhet të dini nese jeni të interesuar të blini prona në Zvicër

Çmimet e pronave zvicerane mbeten të qëndrueshme

Kjo është ajo që duhet të dini nëse po kërkoni të blini prona në Zvicër: çmimet e shtëpive dhe apartamenteve nuk janë rritur gjatë gjithë qershorit, sipas Indeksit të Ofertës së Pronave të Paluajtshme Zvicerane, përcjell albinfo.ch.

Çmimet për shtëpitë për një familje u rritën me 0.3 për qind gjatë një muaji, por kostoja e apartamenteve ra me 0.4 për qind, raportuan specialistët e pasurive të paluajtshme Immoscout dhe Iazi.

Rritja e normave të interesit ka rritur gjithashtu kostot e financimit për pasuritë e paluajtshme, gjë që po frenon rritjen e çmimeve.

Aktualisht, një metër katror i një shtëpie për një familje kushton mesatarisht 7,444 franga, kundrejt 8,605 franga për një metër katror në një apartament në pronësi, sipas të dhënave të përpiluara nga dy kompanitë e pronave.

---