Hovenier: Situata në veri është larg shtensionimit

Ambasadori i Shteteve të Bashkuara të Amerikës, Jeffrey Hovenier, është shprehur se çështja e veriut është e komplikuar dhe do shumë koordinim.

“Do të thosha që SHBA-ja mbetet e përkushtuar siç ka qenë gjithmonë që ta shohë Kosovën duke arritur qëllimet e veta. Ajo që dua të them është se ne jemi prapa një Kosove sovrane, të pavarur, multietnike demokratike që zë vend në strukturat evropiane e euroatlantike. Po bëjmë punë të madhe për këtë. Kjo po ashtu nënkupton që Kosova ta ushtrojë sovranitetin e saj. Veriu është i komplikuar dhe i vështirë dhe mënyra se si Qeveria e Kosovës menaxhon situatën është shumë e ndjeshme dhe duam të jetë shumë e koordinuar me aleatët ndërkombëtarë që të shmangen momentet e krizës që pengojnë rrugën tonë të gjatë për të arritur këtë qëllim të përbashkët”, ka thënë ai, përcjell albinfo.ch.

Megjithatë ka thënë se është vështirë të përgjigjet nëse situata është afër shtensionimit, duke refuzuar të flasë për afate kohore.