Sipas ish deputetit Simic, Kusari-Lila ka komunikuar pesë herë me Milan Radojiçiqin

Mimoza Kusari-Lila, sipas ish deputetit Sllavko Simiq del të ketë biseduar me Milan Radojiçiq pesë herë. Nacionale ka nxjerrë edhe pjesën tjetër të përgjimeve, nga biseda e shefes së grupit parlamentar të Lëvizjes Vetëvendosje, me ish-deputetin, Sllavko Simiq.

“Seriozisht po të them, jo vetëm ty por edhe kryeministrit do t’i thyhej koka dhe të gjithëve me rend nëse do të thoja këtë. Ke folë pesë herë me Milanin”, thotë ish-deputeti, Sllavko Simiq, shefes së grupit të LVV-së, që shpreh shqetësimin për reagimin që do pasonte nëse vetë Simiq do publikonte atë që di, përcjell albinfo.ch.

Simiq e siguron Kusari-Lilën, se do veprojnë ashtu si është marrë vesh ajo me Milan Radojiçiq, duke ia lexuar edhe një nga Radojiçiq, shefes së grupit të VV-së, ku konfirmohet se Lista Serbe ka votuar për hir të grupit parlamentar që drejton, Mimoza Kusari Lila.

Po ashtu, del që ajo të ketë diskutuar me Radojiçiq edhe për energjinë elektrike në veri të Kosovës

Biseda me Simiq bëhet mbi arsyetimin e bashkëpunimit parlamentar për të kaluar ligjet që kanë nevojë për 2/3 e votave të deputetëve, mes të cilëve edhe ligji për pagën minimale, nga ku u përjashtuan veteranët e luftës së UÇK-së, përcjell albinfo.ch.

Mimoza Kusari-Lila e ka pranuar që ka biseduar me Milan Radojiçiq, duke thënë që ka komunikuar me të përmes Sllavko Simiq për tre-katër minuta.

Milan Radojiçiq ka fletarrest nga autoritetet e Kosovës nën dyshimin për vrasjen e Oliver Ivanoviq dhe po ashtu është në listën e zezë të Shteteve të Bashkuara të Amerikës për krim të organizuar.