Osmani për sanksionet amerikane për Vulinin: “Me aleatët, kundër keqdashësve”

Vjosa Osmani

Presidentja e Kosovës, Vjosa Osmani, e ka përshëndetur vendimin e SHBA-së për të vendosur sanksione për Aleksandër Vulinin, shefin e BIA-s, që ka mbajtur poste të rëndësishme nën pushtetin e Aleksandër Vuçiqit.

Vulin është vendosur nën sanksione, ndër të tjera, edhe për kërcënimin e paqes në rajon, përcjell Albinfo.ch.

Osmani ka thënë në një postim në Twitter se së bashku me aleatët Kosova do të luftojmë ndikimin e aktorëve të tillë keqdashës.

”Vulin&co dëmtoi demokracinë dhe kërcënoi paqen në rajonin tonë. Ai i shërbeu interesave malinje të Rusisë dhe krimit organizativ transnacional, duke minuar kështu stabilitetin rajonal. Unë përshëndes SHBA-në për vendimin për ta sanksionuar atë. Së bashku me aleatët tanë do të luftojmë ndikimin e aktorëve të tillë keqdashës”, ka shkruar Osmani në Twitter./Albinfo.ch