Lajçak bën përmbledhje të takimeve, kryesisht për situatën në veri

Miroslav Lajčák

Emisari i Bashkimit Evropian për dialogun Kosovë-Serbi, Miroslav Lajçak, ka bërë një përmbledhje të takimeve të tij me përfaqësues të Kosovës dhe Serbisë.

Lajçak u shpreh se me Kryeministrin e Kosovës, Albin Kurti, bisedoi për shtensionim të situatës në veri.

“Në margjinat e tubimit pata një takim të vlefshëm me Kryeministrin e Kosovës, Albin Kurti. Ne u angazhuam në një bisedë të gjatë dhe konstruktive për situatën aktuale në veri të Kosovës dhe rrugën drejt depërshkallëzimit, në  përputhje me deklaratën e BE 27 nga 3 qershori dhe zbatimin e të gjitha marrëveshjeve të Dialogut”, shkroi ai, përcjell albinfo.ch.

Të mërkurën është takuar në në Bruksel me zëvendëskryeministrin e Parë dhe Kryenegociatorin e Kosovës, Besnik Bislimi, dhe Drejtorin e Zyrës për Kosovën dhe Kryenegociatorin e Serbisë, Petar Petkoviq.

“I kushtuam orë të gjata diskutimeve mbi një listë gjithëpërfshirëse të çështjeve të Dialogut, duke përfshirë zbatimin e Marrëveshjes së 27 shkurtit dhe de-përshkallëzimin e nevojshëm në veri. Ne ramë dakord që të vazhdojmë këto diskutime dhe punën tonë për disa dokumente në periudhën e ardhshme”, tha ai, përcjell albinfo.ch.

Në të njëjtën ditë, Lajçak ëhtë takuar edhe me Presidentin e Serbisë Aleksandar Vuçiq.

“Ne ramë dakord për rëndësinë që urgjentisht të ndërmerren hapa për të de-përshkallëzuar situatën në veri të Kosovës dhe për të bërë përparim të shpejtë në normalizimin e marrëdhënieve”, shkroi emisari, përcjell albinfo.ch.