Mërgimtari nga Zvicra: Asnjëherë nuk më ka shkuar mendja të udhëtoj përmes Serbisë

Jeton në Zvicër prej më shumë se 15 vjetësh. Por mërgimtari shqiptar, lobisti Binak Sylaj, i lindur në Deçan, thotë se sa herë ka ardhur në Kosovë,  për asnjë moment nuk i ka shkuar mendja të udhëtojë përmes Serbisë.

Ai u ka bërë thirrje të gjithë bashkatdhetarëve që të mos udhëtojnë përmes Serbisë dhe në këtë mënyrë të mos kontribuojnë në ekonomi të armikut.

“Jam mbi 15 vjet në Zvicër, asnjëherë dhe për asnjë moment nuk më ka shkuar mendja të udhëtoj përmes Serbisë. Mendoj se, nëse udhëtoj përmes Serbisë qoftë edhe vetëm një euro nëse shpenzoj në Serbi, unë i kontribojë një shteti i udhëhequr nga kriminelë të Millosheviqit. I kontribuoj një shteti që na vrau dhe që ende pretendon të na shfarosë”, ka shkruar ndër të tjera Sylaj./Albinfo.ch/