Mërgimtari i kërkon falje deputetit Avdullah Hoti për kanosjen

Foto: Facebook

Në Gjykatën Themelore në Prishtinë, të martën është shpallur vendimi për mërgimtarin Reshat sadiku i cili gjykohej për kanosjen e deputetit Avdullah Hoti, përmes rrjetit social Facebook.

“Për shkak se edhe vetë kam pasur kanosje, internetin nuk e përdori shumë edhe nuk e kam fshi komentin. Për kanosjen, kërkoj falje publike me gjithë zemër, nëse ka diçka për ndihmë nga ana ime, jam i gatshëm. Kërkoj falje…”, i tha ai deputetit Hoti, shkruan Betimi për Drejtësi.

“Kam kontribu shumë, tash më ndodhi kjo. Me të vërtetë gjunjëzohem para jush, se nuk jam njeri i tillë, kurrë në gjyq s’jam kanë as kurrë këso probleme s’kam pas”, tha i akuzuari, përcjell albinfo.ch.

Ndërsa, edhe deputeti Hoti i tha se ai është i pari që e ka sjellë në gjykatore.

“Ti ke qenë i pari që më ke sjellë këtu, kurrë s’kam qenë këtu”, tha Hoti, shkruan Betimi për Drejtësi.

I akuzuari sërish i kërkoi falje, duke i thënë se qëllimi i tij nuk ka qenë të bënte dëm diçka, megjithatë ai është dënuar me 2 mijë euro gjobë.