Opozita kërkon arsyen e vërtetë se pse dha dorëheqje Ministri i Mbrojtjes, Armend Mehaj

Të martën ka dhënë dorëheqjen e tij, Ministri i Mbrojtjes, Armend Mehaj.

Ai la postin e ministrit për arsye familjare. Në vend të tij, kryeministri i Kosovvës, Albin Kurti e emëroi kolonelin e Forcës së Sigurisë së Kosovës, Ejup Maqedoncin.

Megjithatë, opozita po kërkon arsyen e vërtetë se pse Mehaj u largua nga posti dhe të përgjigjet në disa pyetje.

“Për ministrin Mehaj nuk i dimë detajet, mirëpo ai ka nevojë që të jap disa përgjigje para se të largohet. Çfarë ka ndodhur me Fondin e Sigurisë, ku kanë shkuar ato mjete, cila është arsyeja e vërtetë e largimit të tij, a janë të vërteta pretendimet se ka pasur mospajtime deri në përplasje fizike brenda ambienteve të Ministrisë së Mbrojtjes. Ka shumë pyetje të cilave ministri Mehaj do duhej dhënë përgjigje në letrën e tij të dorëheqjes”, shpreh Vlora Çitaku, nënkryetare e Partisë Demokratike të Kosovës, përcjell albinfo.ch.