Vuçiq komenton mundësinë e njohjes së Kosovës nga Ukraina

Nëse Ukraina e njeh Kosovën, do të humbte çdo gjë brenda ditës. Kështu deklaroi presidenti i Serbisë, Aleksandar Vuçiq derisa ka folur për letrën që deputetë të disa shteteve perëndimore dhe kryetarë të komiteteve të jashtme në vendet e tyre, u kanë dërguar SHBA-së, BE-së dhe Britanisë së Madhe, duke u kërkuar qasje më të ashpër ndaj Serbisë.

Ai foli për mundësinë që Ukraina ta njohë Kosovën. “Sa i përket Ukrainës, është vend mik i yni. Paramendoni sikur Ukraina ta njihte Kosovën – gjithçka do të humbte në një ditë. Si do të mund pas kësaj të thotë se respekton të drejtën ndërkombëtare”, ka thënë Vuçiq.Ai ka thënë se “nuk beson se Ukraina do ta bënte këtë”.