Për gjashtë ditë, tre të vrarë në lokalet në Kosovë

Më katër gusht në një lokal në Prishtinë mbeti një i vrarë dhe 17 tjerë të lënduar.

“Dyshohet se pas një mosmarrëveshje në një lokal, në mes të disa të  dyshuarve meshkuj kosovarë, janë përdorur edhe armë zjarri  (të shtëna me armë zjarri), si pasojë e kësaj lëndime trupore kanë pësuar katër të dyshuar meshkuj kosovarë (nga arma e zjarrit), ndërsa si pasojë e thyerjeve të gotave–shisheve të qelqit lëndime kanë pësuar 17 persona, prej tyre tre meshkuj dhe 14 femra”, kishte njoftuar Policia e Kosovës.

Një person mbetet në arrati ende. Ai është Dukagjin Nikollaj, Duka i kërkuar që nga vitit 2010 nga FBI-ja amerikane.

Më 7 gusht një vrasje ka ndodhur në Klinë. Një mërgimtar u vra nga Tush Frroku që Policia e ka shpallur në kërkim.

Vrasja e tretë ku mbeten edhe tre të plagosur ka ndodhur në orët e para të mëngjesit të së enjtes në fshatin Runik të Skenderajt në një lokal. Viktima është një 39-vjeçar.