Konjufca dënon sulmin ndaj gazetarëve në Prizren

Asociacioni i Gazetareve

Kreu i Kuvendit të Kosovës, Glauk Konjufca ka dënuar dhunën ndaj ekipit të Nacionale në Prizren.

“Pengimi i punës së gazetarëve apo fyerjet gjatë kryerjes së detyrës janë të papranushme. Si të tilla, i dënoj me bindjen se nuk i shërbejnë aspak synimeve tona si shoqëri”, shkruan ai në Facebook.

Tutje u ka bërë thirrje organeve të hetuesisë të trajtojnë si duhet rastin.

“Media përbën hapësirën dhe mjetin përmes të cilit fjalët dhe qëndrimet e shprehura publikisht gjejnë mundësinë për shtrirje dhe trajtim më të gjerë të një çështjeje, ndërsa pengimi i gazetarëve është njëkohësisht mbyllje e hapësirës publike dhe tkurrje e vlerave demokratike. Bëj thirrje që organet kompetente ta hetojnë dhe vlerësojnë rastin menjëherë në kuadër të përgjegjësisve dhe detyrave të tyre përkatëse”, përcjell albinfo.ch.