Shtrenjtohen çmimet e perimeve, 5 euro kilogrami i spinaqit

Ilustrim, Pixabay

Çmimet e perimeve edhe në treg kanë pasur një ngritje.

Një kilogram spinaq në Tregun e Gjelbër në Prishtinë kushton 5 euro, shkruan RTK.

Shitësit thonë se ankesat e qytetarëve janë me vend, porse shtojnë se në treg çmimet variojnë sipas cilësisë dhe produktit.

“Me i krahasua me vitin e kaluar, çmimet janë të papërballueshme. Një kilogram kumbulla kushton një euro e gjysmë, spinaqi e këto tjerat mos të flasim”, thotë një konsumator, përcjell albinfo.ch.

Disa nga konsumatorët thonë se çmimet i kërkojnë sipas të ardhurave. Edhe shitësit thonë se me të drejtë ankohen konsumatorët.

Por, disa prej tyre fajin ua lënë reshjeve atmosferike.

Çmimet e perimeve variojnë, sipas tregtarëve, trangujt një kilogram një euro e  30 centë, domatet një euro, spinaqi një kilogram pesë euro, qepët një kilogram një euro, patatja një kilogram 80 centë, karota një kilogram një euro e 50 centë, bizelet një kilogram tri euro, shkruan RTK.