Në Kosovë, mbi 200 aksidente trafiku për dy ditë

Pixabay - Aksident - Alexas_Fotos

Ditëve të fundit janë shtuar aksidentet e trafikut në Kosovë. Vetëm gjatë dy ditëve të fundit kanë ndodhur mbi 200 aksidente në komunikacion.

Sipas të dhënave të publikuar nga Policia e Kosovës, më datën 11 gusht kanë ndodhur 104 aksidente, ku 40 ishin me persona të lënduar, ndërsa 64 tjerë raportohet të kenë qenë vetëm me dëme materiale, përcjell Albinfo.ch.

Siç raporton policia, në 24 orët e fundit kanë ndodhur 118 aksidente, ku 43 prej tyre ishin me persona të lënduar.

Brenda 24-orëve Policia ka shqiptuar edhe 1 mijë e 558 tiketa trafiku për shoferët që nuk kanë respektuar rregullat e komunikacionit.

Policia e Kosovës në vazhdimësi është duke bërë thirrje që shoferët të respektojnë rregullat në trafik.

Ndryshe, gjatë mujit korrikut janë shënuar edhe disa aksidente me fatalitet./Albinfo.ch