Pesë orë pritje për të dalë nga Kosova

Largimi i mërgimtarëve nga Kosova po vazhdon edhe gjatë kësaj jave.

Të  dhënat e Qendrës Kombëtare të Menaxhimit Kufitar mëngjesin e së martës tregojnë një pritje prej pesë orësh në pikën kufitare në Mërdar.

Për të dalë nga Kosova përmes kësaj pike pritja shkon 280-300 minuta, kolona arrin nga 1300-1400 metra, përcjell albinfo.ch.

E ngarkuar është edhe pika kufitare te Dheu i Bardhë, pritja shkon deri në 60 minuta.

Ndërkohë, në pikat e tjera kufitare pritja maksimalisht shkon 15 minuta, përcjell albinfo.ch.