Policia me thirrje për të shmangur pritjet në kufi

Policia e Kosoves

Policia e Kosovës u ka bërë thirrje mërgimtarëve që janë duke u larguar nga Kosova të shfrytëzojnë pikat kufitare alternative për t’i ikur pritjeve të gjata.

“Për shkak të fluksit të madh në disa nga pikat e kalimit  kufitar (pritjeve që po shkaktohen, në veçanti në pikën kufitare në Merdar), me qëllim të  lehtësimit  dhe ikjes së pritjeve të gjata,  Policia e Kosovës  njofton qytetarët dhe bashkatdhetarët për mundësitë e kalimit në pikat e tjera të kalimit kufitar, si dhe i lut qytetarët që të shfrytëzojnë edhe pikat e tjera me Serbinë siç janë : PKK Muqibab, Jarinje, Bernjak dhe Mutivodë në të cilat pika ka më pak pritje e ndërsa  në orët e mbrëmjes nuk ka pritje fare në të shumtën e rasteve”, shkruan Policia në njoftim.

Për të parë gjendjen nëpër pikat kufitare në Kosovë mund të vizitoni linkun: https://mpb.rks-gov.net/