Lëvizja Vetëvendosje përjashton asamblistin e arrestuar për trafik droge, Besnik Mujeci

Alim Rama, sekretar organizativ në Lëvizjen Vetëvendosje, ka shkruar se pas marrjes së informacionit për arrestimin e asamblistit të Komunës së Prishtinës nga radhët e subjektit, Komisioni Disiplinor i LVV-së menjëherë e ka trajtuar këtë rast.

Si rrjedhojë, komisioni i VV-së ka marrë vendim për përjashtimin e anëtarit Besnik Mujeci nga anëtarësia dhe të gjitha strukturat e Lëvizjes VETËVENDOSJE, ka shkruar Rama, përcjell albinfo.ch.

Besnik Mujeci u arrestua të martën në Tiranë nën dyshimet për trafikim droge. Sipas Policisë, ky grup u kap me mbi 11 mijë doza droge, në vlerë prej 400 mijë eurosh.