Mbi tri orë pritje për të dalë nga Kosova

Pritjet për të dalë nga Kosova janë duke vazhduar edhe këtë të mërkurë.

Të dhënat e Qendrës Kombëtare për Menaxhim Kufitar tregojnë se në pikë kalimin në Mërdar ka pritje mbi tri orë, saktësisht 180-200 minuta, derisa kolona shkon në një kilometër.

Mbi një orë e gjysmë ka pritje te Dheu i Bardhë, ndërkohë pikat e tjera kufitare nuk janë të ngarkuara.

Për këtë, gjatë të martës, Policia e Kosovës u ka kërkuar mërgimtarëve të shfrytëzojnë këto pikë kalime, në mënyrë që të mos presin në ato më të ngarkuara, përcjell albinfo.ch.