Ambasadori amerikan: Nuk ka BE e NATO për Kosovën pa progres në dialog

Ambasadori amerikan në Kosovë, Jeffrey Hovenier, ka takuar gazetarët në Kosovë.

Aty është shprehur se kërkesat që i janë bërë Qeverisë së Kosovës në lidhje me veriun nuk janë presion.

“Atë çfarë po i kërkojmë Kosovës, unë nuk e shoh si presion. I shoh që janë një numër kërkesash legjitime nga ShBA-ja dhe partnerët, që avancojnë këto synime strategjike”, tha Hovenier, shkruan Klan Kosova.

Tutje shton se dialogu është procesi kyç që determinon të ardhmen e Kosovës.

“Kosova s’do të jetë e aftë të bëhet anëtare e BE-së, nuk do të jetë e aftë të hyjë në Partneritetin për Paqe, e pastaj të bëhet anëtare e NATO-s, dy synime fundamentale të ShBA-së që dëshiron të ndodhin, pa bërë progres në dialogun e lehtësuar nga BE-ja”, u shpreh ambasadori amerikan, përcjell albinfo.ch.