Prokuroria: Mbi 600 mijë euro dëm në rezerva shtetërore, ka edhe të dyshuar të tjerë

Në dosjen e Prokurorisë Speciale të Kosovës thuhet se përveç procedurës së kundërligjshme që është ndjekur në blerjet e rezervave shtetërore, ka edhe shkelje të tjera, pasi malli i paguar nuk ka ardhur në Kosovë.

Në bazë të këtij dokumenti, pavarësisht se janë paguar paratë te kompanitë turke dhe polake për grurë, vaj dhe sheqer, në Kosovë nuk kanë ardhur kurrë 200 mijë litra vaj, 120 mijë kg sheqer dhe 52.5 tonë grurë, përcjell albinfo.ch.

Vlera e këtij malli që nuk ka arritur në Kosovë, sipas Prokurorisë, vlerësohet të jetë mbi 600 mijë euro.

Në dosjen e Prokurorisë thuhet se biznesmeni Ridvan Muharremi ishte personi kyç që kishte zhvilluar negociatat me operatorët ekonomikë për blerjen e grurit, vajit e sheqerit.