35-vjeçarja që vdiq gjatë trajtimit te stomatologu jetonte në Itali

Mediat në Kosovë gjatë ditës raportuan për një rast të vdekjes së një 35-vjeçareje nga komuna e Malishevës, me vendbanim në Itali, e cila kishte shkuar në një klinikë private për të marrë trajtim stomatologjik.

Nga atje të ndjerës Leonora Sh. iu përkeqësua gjendja shëndetësore derisa raportohet se gjatë rrugës për në QKUK ndërroi jetë.

Bazuar në rrëfimin e familjarëve, e ndjera të premten kishte për t’u kthyer në Itali, atje ku jetonte me bashkëshortin dhe 4 fëmijët e saj.

Pas këtij rasti, Policia e Kosovës njoftoi se ka arrestuar 2 doktorë, mjekun Xhavit Karaxha dhe pronaren e ordinancës, Hanife Karaxha.

Ndërkohë Ministria e Shëndetësisë e Kosovës ka njoftuar se ordinanca ku është kryer trajtimi ishte pa licencë.