Kryeministri i Kosovës merr pjesë në Forumin në Bled

Albin Kurti, X

Kryeministri i Republikës së Kosovës, Albin Kurti, po merr pjesë në Forumin Strategjik të Bledit – BSF 2023, i cili mbahet në Bled të Sllovenisë.

Ai do të jetë pjesë e panelit të diskutimit me liderë të rajonit, si dhe do të zhvillojë disa takime bilaterale.

Kurti mori pjesë në darkën e punës së ftuar nga kryeministri i Republikës së Sllovenisë, Robert Golob.

“Mesazhe inkurajuese nga kryeministri slloven, Robert Golob, mbi zgjerimin e BE-së dhe mundësitë për Ballkanin Perëndimor”, ka shkruar kryeministri Kurti, përcjell albinfo.ch.

Në këtë takim prezentë ishin edhe kryeministri i Shqipërisë, Edi Rama, ai i Malit të Zi, Dritan Abazoviq, kryeministrja serbe, Ana Bërnabiq dhe përfaqësues të tjerë.