Kurti: Normalizimi i marrëdhënieve mes Kosovës dhe Serbisë të bëhet para zgjedhjeve në SHBA dhe BE

Albin Kurti

Kryeministri i Kosovës, Albin Kurti, në një intervistë për “Bloomberg” në Slloveni ka deklaruar se Kosova dhe Serbia duhet të normalizojnë raportet para se aleatët të nisin të merren me zgjedhjet në Shtetet e Bashkuara të Amerikës dhe në Bashkimin Evropian.

Përpos urgjencës për zbatim të marrëveshjes së normalizimit, Kurti ka thënë se është i gatshëm edhe për organizimin e zgjedhjeve të reja komunale në veri, sipas marrëveshjes së arritur me emisarin e posaçëm të Bashkimit Evropian, Miroslav Lajçak, shkruan koha.net.

Mes tjerash, kryeministri i Kosovës ka komentuar edhe masat ndëshkuese që BE i ka vënë Kosovës.

“Masat po na dëmtojnë në aspektin e mbështetjes financiare dhe materiale të fondeve, granteve dhe kredive që marrim nga BE-ja. Po dëmtojnë agjencitë tona shtetërore dhe komunitetin tonë të biznesit”, ka thënë ai, përcjell albinfo.ch.

Kurti është shprehur se “Bashkimi Evropian dhe SHBA-ja duan të ndihmojnë dhe ta përkrahin Kosovën”. Por gjithashtu duan ta largojnë Serbinë nga ndikimi rus, ka shtuar ai.