Ish-presidenti Thaçi vazhdon qëndrimin në Kosovë

KEYSTONE/ EPA/VALDRIN XHEMAJ

Ish-presidenti i Republikës së Kosovës, Hashim Thaçi po vazhdon qëndrimin në Kosovë, vizitë kjo e lejuar nga Dhomat e Specializuara, që të vizitojë babanë e tij, në gjendje të rënduar shëndetësore.

Kjo është hera e dytë që brenda këtij viti, që ish-presidenti Thaçi vjen në Kosovë, pasi në muajin maj erdhi për vizitën e nënës së tij, që ishte në gjendje jo të mirë shëndetësore.

Lajmin për vizitën aktuale, Gjykata Speciale e ka konfirmuar edhe përmes një komunikate për publikun. Thaçi të shtunën ka qëndruar rreth dy orë në shtëpinë e tij në fshatin Burojë, teksa shumicën e kohës do ta kalojë në objektet e EULEX-it.