Trenat zviceranë janë më të përpiktë se më parë – me përjashtim të dy rajoneve

Keystone

Shkalla e përpikmërisë për trenat është më e lartë se kurrë, thanë të hënën Hekurudhat Federale të Zvicrës (SBB), përcjell albinfo.ch.

Megjithatë, mbërritjet dhe nisjet në kohë janë më të mira në rajonet gjermane sesa frëngjishtfolëse.

Pothuajse një në 10 trena vonohen më shumë se tre minuta në pjesët frëngjishtfolëse — 9,5 për qind kundrejt 5,9 për qind në nivel kombëtar.

Sipas zëdhënësit të SBB, Frédéric Revaz, ky ndryshim vjen nga zvogëlimi i diferencës kohore midis ndalesave në Zvicrën frëngjishtfolëse.

“Ne kemi mbajtur të njëjtën strukturë bazë të orarit për 20 vjet. Trenat shtesë janë vënë në shërbim dhe rezerva kohore nuk është më e mjaftueshme”, tha ai. “Gjithashtu, numri i udhëtarëve ka vazhduar të rritet, gjë që kërkon më shumë kohë për lidhje”.

Për të zgjidhur këtë problem, SBB planifikon të rrisë numrin e trenave si dhe gjatësinë e udhëtimeve, tha Revaz.