Kurti udhëton për në Estoni

Albin Kurti

Kryeministri i Kosovës, Albin Kurti, së bashku me ministrin e Administrimit të Pushtetit Lokal, Elbert Krasniqi, kanë udhëtuar për në Tallinn të Estonisë, përcjell albinfo.ch.

Referuar njoftimit të kryeministrisë, ata do të marrin pjesë në Samitin Global të 8-të të Open Government Partnership që këtë vit organizohet nga Qeveria e Estonisë. Me këtë rast, në ceremoninë hapëse të Samitit, kryeministri do t’i drejtohet asamblesë së OGP-së, pas anëtarësimit së fundmi të Kosovës në këtë organizatë ndërkombëtare.

Ceremonia hapëse fillon prej orës 8:00 dhe transmetimin direkt mund ta gjeni në vjegëzën në vijim: https://www.youtube.com/watch?v=XnoB-rTQHAo

Gjatë ditës, kryeministri Kurti, po ashtu do të zhvillojë një takim dypalësh me kryeministren e Estonisë, Kaja Kallas, krahas takimeve të tjera.