Stërvitja “Steadfast Defender” do të fillojë pranverën e vitit të ardhshëm, teksa pritet të përfshijë midis 500 dhe 700 misione luftarake ajrore, më shumë se 50 anije dhe rreth 41,000 trupa, thanë zyrtarët e NATO-s, teksa si stërvitje është gjithashtu e para për sa u përket aftësive teknike, duke përdorur të dhëna gjeografike të botës reale për të krijuar skenarë më realistë për trupat.

Në stërvitje përfshihet edhe Suedia, aplikimi i së cilës nuk është ratifikuar ende nga Turqia dhe Hungaria, duke e çuar numrin e përgjithshëm të vendeve të përfshira në 32.

Stërvitja do të zhvillohet në gjithë Gjermaninë, Poloninë dhe vendet baltike në muajin shkurt dhe mars, ndërsa NATO gjithashtu do të stërvitet për të luftuar kërcënimet terroriste jashtë kufijve të saj të menjëhershëm.

Vendet baltike kanë përsëritur disa herë thirrjen që NATO të forcojë krahun lindor, pasi trupat janë grumbulluar në kufirin me Bjellorusinë, ndërsa Presidenti rus, Vladimir Putin, tha se armët bërthamore do të zhvendosen në Bjellorusi në fillim të korrikut, megjithëse prania e tyre është e pakonfirmuar.