Yakim komenton kritikat publike të Granit Xhakës, pas ndeshjes me Kosovën

Foto Twitter: @Medien_News

Trajneri Murat Yakin, para ndeshjes kualifikuese të Kampionatit Evropian kundër Andorrës, ka komentuar kritikat publike të kapitenit Granit Xhaka.

Dy ditë pas barazimit 2-2 ndaj Kosovës, Murat Yakin u përball me mediat para ndeshjes kualifikuese të Kampionatit Evropian kundër Andorrës dhe fokusi kryesor ishte sulmi i gjithanshëm i kapitenit Granit Xhaka, ndaj ekipit dhe mënyrës si u trajnuan, shkruan 20min, përcjell albinfo.ch.

“Unë pres që Graniti të udhëheqë rrugën si kapiten. Mënyra në këtë rast ishte e panevojshme dhe jo e zgjuar. Nuk do ta toleroj diçka të tillë menjëherë pas ndeshjes. Ngjarja nuk ka pasoja për Xhakën – të paktën jo negative”, ka qartësuar ai.

Sa i përket debatit mes tij dhe Xhakës ai tha se mes tij dhe Granitit nuk ka ndryshuar asgjë.

“Nuk ka të bëjë me dëshirën e Granitit për të ndërhyrë në përmbajtjen e stërvitjes apo formacionin. Ka shumë gjëra të tjera për të cilat ai do të donte të fliste. Kjo është në rregull për mua. Mund të ketë diçka të veçantë për Granitin se ai dëshiron më shumë informacion se të tjerët. Por kjo ka të bëjë gjithmonë me shpirtin e tij ekipor… E vizitova Granitin tri herë në Londër dhe tani do të bëj të njëjtën gjë në Leverkusen. Mes meje dhe Granitit nuk ka ndryshuar asgjë në këtë drejtim”, u shpreh ai.