Kantonet rrisin subvencionet e sigurimeve shëndetësore për të siguruarit me të ardhura të ulëta

(KEYSTONE/Laurent Gillieron)

Në funksion të rritjes së primeve të sigurimit – pritet një rritje deri në 9 për qind në vitin 2024 – kantonet do të rrisin subvencionet e tyre për individët dhe familjet në nevojë, përcjell albinfo.ch.

Deputetët ranë dakord që vitin e ardhshëm kantonet të kontribuojnë midis 3.5 dhe 7.5 për qind drejt reduktimeve të primeve – 356 milionë franga më shumë se aktualisht.

Çdo kanton do të përcaktojë përqindjen maksimale që primet duhet të përfaqësojnë në lidhje me të ardhurat e disponueshme, përpara se banorët të kualifikohen për subvencionet e qeverisë.

Kjo do të thotë se në vend që të paguajnë shumën e plotë të primeve, personat me të ardhura të ulëta ose kushdo që ka një numër të madh fëmijësh, mund të kualifikohet për t’u reduktuar primet e tyre, ndërsa kantoni i vendbanimit do të paguajë pjesën tjetër.