Zvicër: Burrat përfaqësojnë 49.64 për qind të popullsisë, gratë 50.36 për qind

pixabay

Ka kohë që në Zvicër është paralajmëruar se numri i popullsisë do të arrijë në 9 milionë banorë, përcjell albinfo.ch.

Lajmi i djeshëm ka bërë bujë për arritjen e numrit të lartpërmendur në gjithë Zvicrën.

Zvicra tashmë është zyrtarisht një vend me 9 milionë banorë, sipas të dhënave të publikuara të mërkurën nga Zyra Federale e Statistikave (FSO).

Konkretisht, 8.902.308 persona janë rezidentë të përhershëm, ndërsa 104.356 janë azilkërkues.

Në mesin e popullsisë së përhershme, 73,38 për qind janë me kombësi zvicerane dhe 26,62 për qind janë të huaj.

Burrat përfaqësojnë 49.64 për qind të popullsisë dhe gratë përbëjnë 50.36 për qind.

Zvicra tani është në rrugën e saj të mirë drejt arritjes së shifrës së 10 milionëve, gjë që ekspertët demografikë parashikojnë se ka të ngjarë të ndodhë pas disa vjetësh.