Zvicra fajësohet për mungesën e infermierëve në Itali

Ilustrim

Sipas një raporti në Corriere del Ticino (CDT) të mërkurën, rajoni verior italian i Lombardisë po ‘humb’ profesionistët e tij të kujdesit shëndetësor, të cilët preferojnë të punojnë përtej kufirit në Zvicër, ku “pagat janë tri herë më të larta”, përcjell albinfo.ch.

Duke cituar një gazetë italiane, Repubblica, CDT raportoi se “mbi katër mijë profesionistë të kujdesit shëndetësor kalojnë kufirin për të punuar në Zvicër. Një numër shumë i lartë, duke pasur parasysh se pak më shumë se dhjetë vjet më parë, ata ishin më pak se një mijë.

Për t’i mbajtur këta profesionistë, veçanërisht infermierët, të mos kërkojnë punë në Ticino, Lombardia dhe qeveritë kombëtare “po punojnë në një sistem më të mirë kompensimi për të inkurajuar punëtorët të qëndrojnë në Itali”.