Amir Rrahmani, i lënduar, u detyrua ta lëshojë fushën

Keystone EPA/CIRO FUSCO

Raportohet se kapiteni i Kosovës, Amir Rrahmani, është lënduar në ndeshjen e Napolit ndaj Bragës në Ligën e Kampionëve, përcjell albinfo.ch.

Napoli e nisi edicionin 2023/24 në Ligën e Kampionëve me fitore 2-1 në udhëtim te Braga.

Megjithatë, jo gjithçka shkoi mirë për kampionin e Italisë që ‘humbi’ njërin nga lojtarët kryesorë të skuadrës.

Bëhet fjalë për kapitenin e Kosovës, liderin e mbrojtjes së tyre, Rrahmanin, i cili e lëshoi fushën i lënduar.

Rrahmani u detyrua të largohet në minutën e 13-të të ndeshjes pas një tendosje muskulore në kofshën e majtë.

Sipas mediumit Sky Sport, Rrahmani do ta humbë së paku ndeshjen e ardhshme në fundjavë ndaj Genoa në Serie A.

Në vend të prishtinasit, në lojë u inkuadrua norvegjezi Leo Ostigard, i cili pritet ta zëvendësojë edhe në ndeshjen e ardhshme.