Begaj kërkon nga këto tri shtete njohjen e Kosovës

Presidenti i Shqipërisë, Bajram Begaj, në takimet që ka pasur gjatë Javës së Debatit të Përgjithshëm të Sesionit të 78-të të Asamblesë së Përgjithshme të Kombeve të Bashkuara, ka zhvilluar takime të ndryshme.

Këto takime i ka shfrytëzuar edhe për të kërkuar njohjen e Kosovës nga shtetet e ndryshe.

Mes takimeve kanë qenë dhe ato me presidentët nga Kenia, Botsvana dhe Sudani i Jugut, ku iu kërkoi tre homologëve të tij që ta njohin Kosovën, shkruan Euronews.

Gjatë takimit, presidentët nënvizuan se shkëmbimi i vizitave të nivelit politik do t’i japë një shtysë zhvillimit të bashkëpunimit ndërmjet Shqipërisë dhe vendeve përkatëse, veçanërisht në kuadër edhe të organizatave ndërkombëtare, përcjell albinfo.ch.