Blinken dënon sulmet në veri: Kosova e Serbia t’i kthehen menjëherë dialogut

Blinken

Sekretari Amerikan i Shtetit, Antony Blinken, ka reaguar për sulmin terrorist ndaj Policisë së Kosovë në Banjskë të Zveçanit.

Përmes një postimi në rrjetin social “Twitter”, ai ka shkruar se sulmet ndaj policisë janë të papranueshme, shkruan albinfo.ch.

Blinken ka kërkuar nga Kosova dhe Serbia t’i kthehen menjëherë dialogut të lehtësuar nga Bashkimi Evropian.

“Sulmet e dhunshme ndaj Policisë së Kosovës afër Manastirit të Banjskës, janë të papranueshme. U bëjmë thirrje qeverive të Kosovës dhe Serbisë që të shmangin veprimet që mund të nxisin më tej tensionet dhe t’i kthehen menjëherë dialogut të lehtësuar nga BE-ja”, ka shkruar Blinken.

The recent violent attacks on the Kosovo Police near the Banjska Monastery are unacceptable. We call on the governments of Kosovo and Serbia to avoid actions which could further inflame tensions and to immediately return to the EU-facilitated Dialogue.

— Secretary Antony Blinken (@SecBlinken) September 25, 2023