Pamje nga gjërat e konfiskuara në operacionin e Policisë së Kosovës

Në konferencën e jashtëzakonshme të ministrit të Punëve të Brendshme, Xhelal Sveçla dhe drejtorit të Përgjithshëm të Policisë së Kosovës, Gazmend Hoxha janë shfaqur armatimi dhe gjetjet e tjera nga operacioni i Policisë së Kosovës.

Hoxha ka deklaruar se ky është operacioni më i madh dhe më i rëndësishëm që nga paslufta për institucionin të cilin e drejton teksa ka njoftuar se gjatë këtij operacioni janë gjetur një veturë e rëndë e blinduar, 24 vetura xhip, dy motorë 4×4, 8 mina kundër këmbësorisë, 29 zolla të mbushura, 7 zolla të përdorura, predha minahedhësish, 150 eksploziv dinamit, 6 armë të gjata mitraloz, 21 antiplumba, 3 dronë, 15 dylbi nate, 32 radiolidhje, 115 uniforma ushtarake, 6 harta nga sateliti, 3 harta topografike, 23 maska, 8 sopata, ushqime të shumta, medikamente mjekësore, 32 telefona të mençur, 32 sim kartela dhe kartëmonedha në euro prej dinarëve të Serbisë – 1800 kartëmonedha, përcjell albinfo.ch.