Zvicër: Deputetët kërkojnë kujdestarinë e përbashkët të fëmijëve

Këshilli Kombëtar pranoi dje një mocion që kërkon që kujdestaria e alternuar e fëmijëve të bëhet rregull në rast divorci të prindërve, përcjell albinfo.ch.

“Shumë shpesh në divorce, fëmijët bëhen objekt konflikti”, thuhet në mocion.

Ai vazhdoi duke shpjeguar se “çdo prind mendon fillimisht për veten dhe fëmijët nuk janë qendra e interesit të tyre. Prandaj, e drejta për bashkëprindërim duhet të ketë përparësi ndaj të drejtave individuale të prindërve, në mënyrë që fëmija të vazhdojë të mbajë të njëjtat marrëdhënie me prindërit e tij.

Prandaj, kujdestaria e përbashkët duhet të jetë “një parim dhe një rregull i përgjithshëm, nga i cili mund të shmanget vetëm në situata specifike dhe objektive”.

Mocioni tani do të votohet nga Këshilli i Shteteve.