Haxholli: Serbia për kosovarët është vendi më i pasigurt dhe më i rrezikshëm në Evropë

Sekretari i Zyrës Ndërlidhëse të Kosovës në Serbi, Fatmir Haxholli, është shprehur i shokuar me vrasjen e 19-vjeçarit Shqipron Muçiqi, në territorin e Serbisë, përcjell albinfo.ch.

Ai tha se Serbia “për këdo nga Republika e Kosovës, është vendi më i pasigurt dhe më i rrezikshëm në Evropë”.

Postimi i tij i plotë:

I shokuar me humbjen e jetës së të riut, Shqipron Muçiqi. Ngushëllimet më të sinqerta për familjen.

Nuk ka gjë më të trishtë se kur një i ri humb jetën, duke ëndërruar një jetë më të mirë. Tragjedi!

Nga Beogradi, Serbia, e them se Serbia, për këdo nga Republika e Kosovës, është vendi më i pasigurt dhe më i rrezikshëm në Evropë. Kështu do të mbetet derisa fryma anti-Kosovë, në Serbi, frynë në veri, jug, lindje dhe perëndim të këtij vendi.

Nuk ka rëndësi çfarë pasaporte keni, nëse flisni shqip, jeni nga Kosova, dhe keni shkelur brenda kufijve të këtij vendi, ju keni vendosur jetën tuaj dhe të bashkudhëtarëve tuaj në lojë!