Nis tërheqja e trupave ushtarake serbe nga kufiri me Kosovën

Foto Ilustrim

Lëvizja e një autokolone ushtarake në jug të Serbisë, nga drejtimi i Vranjës në drejtim të Nishit, afër qytetit të Predejanit, është parë sot pas shqetësimeve që Shtetet e Bashkuara të Amerikës dhe Bashkimi Evropian kanë shprehur për zhvendosjen e forcave serbe përgjatë kufirit me Kosovën.

Qyteti i Predejanit ndodhet 300 kilometra në jug të Beogradit dhe rreth 100 kilometra nga pikëkalimi më i afërt kufitar ndërmjet Serbisë dhe Kosovës, Merdarë, shkruan REL.

Ndryshe, sulmi i ditës së dielë në Banjskë, është cilësuar si terrorist, ndërkaq qeveria serbe ka mohuar përfshirjen, përcjell albinfo.ch.