Alain Berset, i bindur se një parti tjetër nuk do të bënte më mirë në krye të Shëndetësisë

(KEYSTONE/Salvatore Di Nolfi)

Ministri i Shëndetësisë në Zvicër Alain Berset, i cili njoftoi një rritje të re të bonuseve, u shpreh i bindur se një parti tjetër nuk do të ishte më mirë në krye të departamentit të tij.

“Ju mund të vendosni kë të doni atje, do të jetë akoma shumë e ndërlikuar. Nuk ka të bëjë fare me orientimin politik të këshilltarit federal” ka thënë ai, i cili do të largohet nga qeveria në fund të vitit, shkruan RTS.

Sipas tij, problemi lidhet me atomizimin e sistemit shëndetësor, menaxhimi i të cilit mbështetet në një mori aktorësh, mes të cilëve nuk garantohet transparenca e nevojshme për të marrë përgjegjësitë e tyre.

Ndër të tjera, ai e konsideroi dështim që nuk ka arritur të bind Parlamentin të bëjë më shumë teksa shprehu keqardhjen që “kishte refuzuar ose zbrazur nga thelbi” propozimet e Këshillit të qeverisë federale për të ulur kostot e kujdesit shëndetësor.

“Fuqia e qeverisë është e kufizuar nga ligjet dhe vullneti i Parlamentit, i cili nuk ka qenë shumë aktiv vitet e fundit për uljen e kostove, veçanërisht sepse rritja e primeve ishte e moderuar. Tani ndoshta kjo do të ndryshojë”, u shpreh ai, përcjell albinfo.ch.

Socialisti gjithashtu e gjykon transparencën dhe menaxhimin e sistemit shëndetësor si “qartësisht të pamjaftueshme”.

“Në OFSP, rreth dyzet persona janë përgjegjës për vërtetimin e primeve. Kjo është shumë pak në krahasim me 10 mijë punonjësit që punojnë për siguruesit”, tha ai.

Ndryshe, emri i personit që do ta pasojë Berset do të bëhet i ditur më 13 dhjetor.