Ministri i Punëve të Brendshme: Informatat nga inteligjenca flasin për më shumë sulmues të vrarë në Banjskë

Ministri i Punëve të Brendshme të Kosovës Xhelal Sveçla, në konferencën e sotme ku ka shpalosur detaje të reja në lidhje me aksionin në veri, ka njoftuar se aksioni po vazhdon.

Sipas tij, dyshohet se ka më shumë sulmues të vrarë se numri që dihet zyrtarisht.

“Aksioni po vazhdon, në momentin kur do të gjenden trupat tjerë, apo në momentin kur do të kemi dëshmi patjetër që do të njoftojmë… Edhe vet presidenti i Serbisë Aleksandar Vuçiq ka folur për katër të vrarë. Informatat nga inteligjenca flasin për më shumë, por çdo moment që kemi dëshmi, do t’i publikojmë”, ka thënë ai, përcjell albinfo.ch.

Deri më tani janë zyrtarisht tre sulmues të vrarë, trupat e të cilëve janë ekzaminuar.