Infektimet nga mushkonjat janë në rritje në Zvicër

@pixabay

Sipas buletinit të së hënës nga Zyra Federale e Shëndetit Publik (BAG), në Zvicër që nga fillimi i vitit janë regjistruar 154 raste të këtij infeksioni viral që përhapet nga mushkonjat te njerëzit, krahasuar me 68 për gjithë vitin 2022, përcjell albinfo.ch.

Rritja e rasteve të etheve të dengës dhe sëmundjeve të tjera të shkaktuara nga mushkonjat është për shkak të rifillimit të udhëtimeve pas dy vjetëve të kufizimeve nga Covid, pasi të gjitha infeksionet e zbuluara në Zvicër ishin të kontraktuara jashtë vendit, tha  BAG.

Prania e mushkonjave tigër në Zvicër nuk do të thotë domosdoshmërisht se do të ketë një epidemi denge, specifikon OFSP. Por, është e mundur që një mushkonjë lokale të kafshojë një person të infektuar që kthehet nga një rajon endemik dhe, nga ana tjetër, të bëhet një vektor i virusit te një person tjetër, shton zyra.

Rreziku afatgjatë i transmetimit të sëmundjes dhe fakti që mushkonjat tigër mund të jenë jashtëzakonisht të bezdisshme, janë arsyet pse përhapja monitorohet në mënyrë aktive nga kantonet. Mushkonja tigër u pa në Ticino në vitin 2003 dhe, që atëherë, në disa kantone frëngjishtfolëse. Janë marrë masat e kontrollit për të parandaluar përhapjen e tij.