Hovenier: SHBA-ja mund të ndihmojë Kosovën për statutin e Asociacionit

Ambasadori i Shteteve të Bashkuara të Amerikës në Kosovë, Jeffrey Hovenier, tha se vendi i tij është i gatshëm të këshillojë Kosovën në hartimin e statutit për Asociacionin e komunave me shumicë serbe.

“Në fund, kjo çështje do t’i përkasë dialogut të ndërmjetësuar nga BE-ja. Mirëpo, nëse Kosova dëshiron të konsultohet me ne, ose të tjerët, se si të çojë diçka përpara në mënyrë më të mirë, ne jemi të gatshëm ta këshillojmë”, u shpreh Hovenier, shkruan REL.

Deklaratat e tij vijnë pas deklaratës së presidentes së Kosovës, Vjosa Osmani, ditë më parë se Kosova duhet ta përgatisë draft-statutin për Asociacionin e komunave me shumicë serbe bashkë me Shtetet e Bashkuara.

Kosova dhe Serbia kanë arritur marrëveshje për Asociacionin më 2013 dhe më pas më 2015 mbi parimet për themelimin e tij, përcjell albinfo.ch.