Erdogan anulon daljet publike, shkaku i gjendjes shëndetësore

Angazhimet e planifikuara të presidentit turk Recep Tayyip Erdogan për të mërkurën dhe të enjten janë anuluar.

Këtë të mërkurë, Erdogan kishte planifikuar të mbante një fjalim në mbledhjen e grupit parlamentar të partisë së tij, ndërsa të enjten ai do të udhëtonte në Granada për sesionin e Komunitetit Politik Evropian, në të cilin do të merrte pjesë Turqia.

Sipas të dhënave nga presidenca turke shkak për anulimin e takimeve është bërë gjendja shëndetësore e presidentit turk.

Në njoftimin publik, Presidenca bën me dije se Erdogan ka pësuar një ftohje e rëndë dhe për këtë arsye do të qëndrojë larg jetës aktive politike për disa ditë./euronews