A do të takohen Osmani dhe Vuçiq në Granadë?

Foto Facebook: Vjosa Osmani

Mësohet se në qytetin spanjoll të Granadës sot mbahet Samiti i tretë i Komunitetit Politik Evropian, ku marrin pjesë liderët e 47 vendeve evropiane. Një nga temat kryesore të takimit do të jetë zgjerimi i Bashkimit Evropian, përcjell albinfo.ch.

Në samitin e sotëm marrin pjesë edhe presidentët e Kosovës dhe Serbisë, Aleksandar Vuçiq dhe Vjosa Osmani.

Presidentja Osmani ka bërë të ditur se në bisedime me kolegët udhëheqës, do të diskutojë „sfidat e sigurisë në Kosovë pas aktit të agresionit të Serbisë dhe do të ritheksojë angazhimin për thellimin e bashkëpunimit me aleatët për paqen, stabilitetin dhe sigurinë afatgjatë”.

Gazeta britanike The Guardian, duke cituar burime të paidentifikuara, shkruan se ka përpjekje për organizimin e takimit të presidentes Osmani me presidentin e Serbisë Vuçiq “me gjithë armiqësinë politike mes dy vendere”.