36 zyrtarë policorë iu shtuan sot Njësisë Speciale Operative të Kosovës

Që nga sot, 36 zyrtarë policorë i janë shtuar Njësisë Speciale Operative të Kosovës, ka njoftuar ministri i Punëve të Brendshme, Xhelal Sveçla.

Përmes një postimi në rrjetin social “Facebook”, Sveçla ka thënë se policët e rinj do të garantojnë sundim të rendit dhe ligjit, shkruan albinfo.ch.

“36 zyrtarë policorë nga sot do të jenë vlerë e shtuar e Njësisë Speciale Operative. Djemtë e vajzat tona brenda kësaj Njësie do të shërbejnë për të gjithë qytetarët tanë pa dallim, në çdo cep të territorit të Republikës sonë. Mirënjohje të gjithëve që në uniformën e Policisë së Kosovës po garantojnë sundim të rendit dhe ligjit, po mbrojnë sovranitetin e integritetin territorial të vendit tonë”, ka shkruar ai.